“မင်းလေးနဲ့ဝေးရင် အသည်းလေးတော့ ဖျားမှာပဲ”-မြန်မာအိုင်ဒေါပြိုင်ပွဲဝင် မူးလာ(ရုပ်သံ)
DVB
·
November 8, 2019
“မင်းလေးနဲ့ ဝေးရင်… အသည်းလေးတော့ ဖျားမှာပဲ… မင်းလေးနဲ့ ဝေးရင်… အသည်းလေးတော့ ဖျားမှာပဲ”
ဒါကိုကြားလိုက်တာနဲ့ ပရိသတ်တွေက လွန်ခဲ့တဲ့ ဆယ်စုနှစ်တွေဆီက ရော့ခ်ရွှေ ခေတ်တွေဆီကို ပြန်လည်မြင်ယောင်မိကြမှာပါ။
ဒီသီချင်းကိုတော့ မြန်မာပြည်ရဲ့ ရော့ခ်ဂီတကို တခေတ်ဆန်းစေခဲ့တဲ့ အဆိုတော် ဇော်ဝင်းထွဋ်က သီဆိုခဲ့တာဖြစ်ပြီး ဒီတခါမှာတော့ မြန်မာအိုင်ဒေါသီချင်းဆိုပြိုင်ပွဲရဲ့ စင် မြင့်ထက်မှာ ပြိုင်ပွဲဝင်တဦးရဲ့ သီဆိုယှဉ်ပြိုင်မှုနဲ့ တကျော့ပြန်ရှုစားကြရမှာပါ။
“မင်းလေးနဲ့ ဝေးရင်… အသည်းလေးတော့ ဖျားမှာပဲ… မင်းလေးနဲ့ ဝေးရင်… အသည်းလေးတော့ ဖျားမှာပဲ… ဒီမြေပြင်မှာ အလွမ်းများ အားလုံးကိုယ့်ဟာ ဖြစ်လိမ့် မယ်… သေချာတယ် စိတ်ချ”
“ဒီလိုသေချာတယ်”အမည်ရတဲ့ ဒီသီချင်းကိုတော့ တေးရေး သုခမိန်လှိုင်က ရေးဖွဲ့ ပေးထားခဲ့တာဖြစ်ပြီး မြန်မာအိုင်ဒေါပြိုင်ပွဲဝင် မူးလာက ဒီသီချင်းနဲ့ ယှဉ်ပြိုင်ခဲ့တာ ဖြစ်ပါ တယ်။
ပရိသတ်အားပေးမှု အခိုင်အမာရရှိထားတဲ့ နာမည်ကြီးသီချင်းဆိုပြိုင်ပွဲတခုဖြစ်တဲ့ မြန်မာအိုင်ဒေါသီချင်းဆိုပြိုင်ပွဲ Season 4 ရော့ခ်သီတင်းပါတ်ကိုတော့ မနေ့ညက ကျင်းပ ခဲ့ပြီး ပြိုင်ပွဲဝင် ၁၀ ဦးက အကြိတ်အနယ် ယှဉ်ပြိုင်ခဲ့ကြတာ ဖြစ်ပါတယ်။
ပုသိမ်မြို့က လာရောက်ယှဉ်ပြိုင်တဲ့ ပြိုင်ပွဲဝင် မူးလာဟာ ဒီသီချင်းကို ရော့ခ်အင်ရိုး ဆန်တဲ့ စည်းချက်နဲ့ အမိုက်စားသီဆိုပြသွားခဲ့ပြီး အားလုံးကို ထင်မှတ်မထားလောက် အောင် ဖမ်းစားထားနိုင်ခဲ့တာကို တွေ့ရပါတယ်။
ပြီးခဲ့တဲ့ သီတင်းပတ် Performance Show မှာတော့ အငဲရဲ့ အနိုင်နဲ့ပိုင်းသီချင်းနဲ့ မူးလာက ယှဉ်ပြိုင်ခဲ့ပြီး Bottom 3 မှာ တကြိမ်ထိုင်ခဲ့ရဖူးတာမို့ ခုတပါတ်ဟာလည်း သူ့ အတွက် အရေးပါတဲ့ သီတင်းပါတ်ဖြစ်နေခဲ့တာပါ။
Myanmar Idol Season 4 သီချင်းဆိုပြိုင်ပွဲရဲ့ ဒိုင်တွေအနေနဲ့ အခုနှစ်မှာတော့ အ ဆိုတော် အောင်ကိုလတ်၊ တင်ဇာမော်နဲ့ ဖြူဖြူကျော်သိန်းတို့က အကဲဖြတ်အမှတ်ပေးနေ ကြတာဖြစ်ပြီး Host အနေနဲ့ Myanmar Idol Season ၃ ခုလုံးမှာ ပါဝင်တင်ဆက်ပေးခဲ့တဲ့ ကျော်ထက်အောင်က တင်ဆက်ပေးနေတာပါ။
လတ်တလောမှာတော့ ပြိုင်ပွဲဝင်တွေကို မဲပေးရွေးချယ်နိုင်မယ့် Voting Line တွေ ကို ဖွင့်ထားပေးပြီး MPT, Ooredoo နဲ့ Mytel စတဲ့ ကြိုက်နှစ်သက်ရာ ဖုန်းလိုင်းတွေက တဆင့်လည်း Vote ပေးနိုင်မှာ ဖြစ်ပါတယ်။
မူးလာရဲ့ Voting No. ကတော့ 77710 ဖြစ်ပြီး ဒီကနေ့ညနေ ၆ နာရီအထိ မဲ ပေးရွေးချယ် အားပေးနိုင်မှာ ဖြစ်ပါတယ်။
Top Finalists ၁၁ ယောက် ပါဝင်ယှဉ်ပြိုင်ခဲ့တဲ့ ပြီးခဲ့တဲ့ သီတင်းပါတ် Performance Show မှာတော့ ပြိုင်ပွဲဝင်တွေထဲက ခြူးစစ်ဟန်က ထွက်ခွာသွားခဲ့ရတာမို့ ခုညနေ Result Show မှာရော ဘယ်ပြိုင်ပွဲဝင်တွေက နောက်တဆင့် တက်သွားမလဲ၊ ဘယ်သူတွေကတော့ ပြိုင်ပွဲကနေ နှုတ်ဆက်ထွက်ခွာသွားရမလဲဆိုတာကိုတော့ စောင့် မျှော်ကြည့်ရှုကြရတော့မှာ ဖြစ်ပါတယ်။
