Homeမြန်မာသတင်း
ယာဉ်မောင်းအောင်ကြီး ကျောင်းထဲတွင် လိင်အကြမ်းဖက်မှုကျူးလွန်ခဲ့ခြင်းမရှိဟု ဆရာမ ထွက်ဆို
ယာဉ်မောင်းအောင်ကြီး ကျောင်းထဲတွင် လိင်အကြမ်းဖက်မှုကျူးလွန်ခဲ့ခြင်းမရှိဟု ဆရာမ ထွက်ဆို
နေဖြိုးဝင်း
·
October 23, 2019
ဖမ်းဆီးတရားစွဲခံနေရတဲ့ ယာဉ်မောင်း အောင်ကြီးအနေနဲ့ ကျောင်းခန်းထဲမှာ လိင်အကြမ်းဖက်မှု လုံးဝကျူးလွန်ခဲ့ခြင်းမရှိဘူးလို့ Wisdom Hill မူကြိုကျောင်းက ကျောင်းဆရာမ တဦးက တရားခွင်မှာ ထွက်ဆိုလိုက်ပါတယ်။
ဒီကနေ့ အောက်တိုဘာ ၂၃ ရက်နေ့ နေပြည်တော် ဒက္ခိဏခရိုင်တရားရုံးမှာ ပြုလုပ်တဲ့ ဗစ်တိုးရီးယားအမှုရုံးချိန်း တရားခွင်မှာ အခုလို ထွက်ဆိုခဲ့တာပါ။
အောင်ကြီးအနေနဲ့ ကျောင်းကိုရောက်လာတဲ့ နေ့လည် ၃ နာရီ ၁၂ မိနစ်ကနေ ပြန်ထွက်သွားတဲ့အချိန်ထိ ထိုင်ရာကနေ မထခဲ့သလို ကလေးတွေရှိတဲ့အခန်းထဲကိုလည်း ဝင်ရောက်ခဲ့တာ မရှိဘူးလို့ ဆရာမ နီလာအေးက ထွက်ဆိုခဲ့တာပါ။
ဒါ့အပြင် ဗစ်တိုးရီးယားလေးဟာလည်း သူနဲ့ ဒါမှမဟုတ် တခြားဆရာမတွေလည်း ရှိနေတဲ့အတွက် လုံခြုံမှုရှိတယ်လို့ ထွက်ဆိုသွာခဲ့ပါတယ်။
နေပြည်တော်ရှိ Wisdom Hill ပုဂ္ဂလိက မူကြိုကျောင်းမှာ အသက် ၃ နှစ် အရွယ် ကျောင်းသူလေးတဦး အဓမ္မပြုကျင့်ခံခဲ့ရတဲ့အမှုနဲ့ ပတ်သက်ပြီး ဒီကနေ့ ၉ ကြိမ်မြောက် ရုံးချိန်းမှာ ဆရာမနှစ်ဦးနဲ့ CCTV မှတ်တမ်းတာဝန်ခံကို စစ်ဆေးခဲ့ပါတယ်။
