Homeရုပ်သံ
မိုးဟေကို၊ ဖွေးဖွေးတို့ အပြိုင်ကြဲအားပြိုင်မှုတွေနဲ့ ရှုစားကြရမည့် ပပဝတီစီရင်ခန်းရုပ်ရှင်(နမူနာ)
မိုးဟေကို၊ ဖွေးဖွေးတို့ အပြိုင်ကြဲအားပြိုင်မှုတွေနဲ့ ရှုစားကြရမည့် ပပဝတီစီရင်ခန်းရုပ်ရှင်(နမူနာ)
DVB
·
October 4, 2019
နာမည်ကြီး သရုပ်ဆောင်မင်းသမီး ၂ လက်ဖြစ်ကြတဲ့ မိုးဟေကိုနဲ့ ဖွေးဖွေးတို့ အ ပြိုင်ကြဲ အားပြိုင်မှုတွေကို ရှုစားကြရမယ့် ပပဝတီစီရင်ခန်းရုပ်ရှင်ကားကို မကြာခင်မှာ ရုံတင်ပြသသွားဖို့ ရှိနေပါတယ်။
မီးမီးရွှေခြူးရုပ်ရှင်ထုတ်လုပ်ရေးက တင်ဆက်လိုက်တဲ့ ဒီကားကိုတော့ ဇာတ်လမ်း၊ ဇာတ်ညွှန်းနဲ့ ဒါရိုက်တာ ဝိုင်းက ရိုက်ကူးထားတာ ဖြစ်ပါတယ်။
အပြိုင်မင်းသမီးဇာတ်ရုပ်အသားပေး ရုပ်ရှင်ကားတကားအနေနဲ့ ဖန်တီးပုံဖော်ထားတဲ့ ဒီရုပ်ရှင်ကားထဲမှာတော့ အလှတရား၊ မာန်မာန၊ ဂုဏ်သိက္ခာ၊ အာဃာတနဲ့ အချစ်၊ အမုန်း အားပြိုင်လွန်ဆွဲမှုတွေကို ရှုစားကြရမှာ ဖြစ်ပါတယ်။
ဖွေးဖွေးဟာ လက်ပံ၊ ကျမက နှင်းဆီပါမောင်၊ ရွှေကြာစတဲ့ နာမည်ကြီး ရုပ်ရှင်ကားတွေနဲ့ မြန်မာ့ရုပ်ရှင်အကယ်ဒမီထူးချွန်ဆုတွေ ရရှိထားသူဖြစ်ပြီး မိုးဟေကိုကလည်း တကျော့ပြန်ဝင်ရောက် လာတဲ့ ဝါရင့်သရုပ်ဆောင်တဦးဖြစ်တာမို့ သူတို့ ၂ ယောက်ကို ချစ်ကြတဲ့ ပရိသတ်တွေကြားမှာတော့ စိတ်ဝင်စားမှုတွေ မြင့်တက်နေတာပါ။
ဒီကားထဲမှာ မိုးဟေကို၊ ဖွေးဖွေးတို့နဲ့အတူ သရုပ်ဆောင်မင်းသားတွေ ဖြစ်ကြတဲ့ ထွန်းထွန်း၊ အလင်းရောင်တို့နဲ့ တခြားသရုပ်ဆောင်တွေလည်း ပါဝင်ထားကြပါတယ်။
တေးရေး ဝေကြီး ရေးစပ်ပြီး တေးသံရှင် ဂျူဝယ်လ်သီဆိုထားတဲ့ လူတိုင်းက လှပြီးသားပါ အမည်ရတဲ့ ဇာတ်ဝင်တေးကိုလည်း ပရိသတ်တွေက သဘောကျနေကြပါတယ်။
လတ်တလောမှာတော့ ဒီရုပ်ရှင်ကား Trailer ကို ဖေ့စ်ဘွတ်ခ်အင်တာနက် လူမှု ကွန်ရက်စာမျက်နှာပေါ်မှာ ဝင်ရောက်ကြည့်ရှုကြတဲ့ အကြိမ်ရေ တသန်းခွဲကျော်ရှိနေခဲ့ပြီ ဖြစ်ပါတယ်။
