လူငယ်ကြိုက် အမျိုးသားတေးသံရှင်တွေ ဖြစ်ကြတဲ့ ရွှေထူး၊ X-Boxin၊ Lil’Z နဲ့ ထက်ယံ အဆိုတော် ၄ ယောက် ပူးပေါင်းတင်ဆက်ကြမယ့် တေးဂီတဖျော်ဖြေပွဲကို လာ မယ့် အောက်တိုဘာလ ၁၃ ရက်(သီတင်းကျွတ်လပြည့်နေ့)မှာ ကျင်းပသွားဖို့ ရှိနေပါတယ်။
ဒီဖျော်ဖြေပွဲရဲ့ နာမည်ကိုတော့ 4:Reunion လို့ အမည်ပေးထားခဲ့ပြီး ရန်ကုန်မြို့၊ ရို့စ်ဂါးဒင်းဟိုတယ်မှာ ကျင်းပပြုလုပ်သွားမှာ ဖြစ်ပါတယ်။
သူတို့ ၄ ယောက်ဟာ 4 အမည်နဲ့ လွန်ခဲ့တဲ့ ၂၀၁၄ ခုနှစ်မှာ တေးအယ်လ်ဘမ်တ ချပ်ထွက်ရှိထားခဲ့ပြီး အဲဒီအယ်လ်ဘမ်ထဲမှာ ပါဝင်တဲ့ ဟစ်ဟော့ပ်နဲ့ အာရ်အဲန်ဘီအမျိုး အစား သီချင်းတွေဟာ ပရိသတ်ပါးစပ်ဖျားမှာ ရေပန်းစားတဲ့ သီချင်းတွေ ဖြစ်ခဲ့ပါတယ်။
အဆိုဘက်မှာရော၊ သရုပ်ဆောင်ဘက်မှာပါ ထူးချွန်တဲ့ ပရိသတ်အချစ်တော် ရွှေ ထူးကတော့ ဒီပွဲမှာ ဘယ်လိုသီချင်းတွေနဲ့ သီဆိုမလဲဆိုတာကို ပရိသတ်တွေက စိတ်ဝင် စားနေကြပြီး သူ့ရဲ့ ဖေ့စ်ဘွတ်ခ်ပေါ်မှာတော့ ရှိုးပွဲတွေမှာ တကြိမ်မှမဆိုပြဖူးသေးတဲ့ အ နားက ဆိုတဲ့ သီချင်းကို ဆိုပြချင်ပါတယ်လို့ ရေးသားထားခဲ့တာပါ။
မိန်းကလေး ပရိသတ်တွေ ပါးစပ်ဖျားရေပန်းစားတဲ့ အဆိုတော် X-Boxin၊ အ ကြမ်းစားရက်ပ်တွေနဲ့ သီဆိုတတ်တဲ့ Lil’Z၊ လတ်တလော အဆိုတော် သားသားနဲ့တွဲပြီး ရှေ့မီနောက်မီဆိုတဲ့ တေးအယ်လ်ဘမ်တချပ်ထွက်ရှိထားတဲ့ ထက်ယံတို့ရဲ့ သီဆိုဖျော် ဖြေမှုကိုပါ ဒီဖျော်ဖြေပွဲမှာ တဝကြီး နားဆင်ကြည့်ရှုကြရမှာ ဖြစ်ပါတယ်။
ခုတကျော့ပြန် သူတို့ ၄ ယောက် ပေါင်းစည်းဖျော်ဖြေကြမယ့် 4:Reunion ဖျော် ဖြေပွဲကိုတော့ The Boombox Entertainment ကနေ တင်ဆက်လိုက်တာဖြစ်ပြီး လက်မှတ်တွေကိုတော့ ကျပ်တသောင်းခွဲနဲ့ ဝယ်ယူနိုင်မှာ ဖြစ်တယ်လို့ ကြေငြာထားပါ တယ်။
