မြောက်ပိုင်းမဟာမိတ် ၄ ဖွဲ့နှင့် အန်အာပီစီ မူဆယ်မြို့၌ တွေ့ဆုံဆွေးနွေး
ခွန်ဇော်ဦး
·
April 30, 2019
အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (အန်အာပီစီ)က တာဝန်ရှိသူတွေနဲ့ မြောက်ပိုင်းမဟာမိတ် တိုင်းရင်းသားလက်နက်ကိုင် ၄ ဖွဲ့တို့ ရှမ်းပြည်နယ်မြောက်ပိုင်း၊ မူဆယ်မြို့မှာ ဒီကနေ့ ဧပြီလ ၃၀ ရက်က တွေ့ဆုံဆွေးနွေးနေပါတယ်။
တွေ့ဆုံပွဲကို တက်ရောက်လာတဲ့ PSLF/ TNLA ရဲ့ အထွေထွေအတွင်းရေးမှူး ဗိုလ်မှူးချုပ် တာဘုန်းကျော်က “ဒေသအတွင်းက အပစ်အခတ်ရပ်စဲရေး၊ တိုက်ပွဲတွေ ရပ်တန့်နိုင်ရေးအတွက် အဓိကဆွေးနွေးသွားမယ်” လို့ပြောပါတယ်။
ဒီဆွေးနွေးပွဲတက်ရောက်လာတဲ့ မြောက်ပိုင်း မဟာမိတ်အဖွဲ့တွေကတော့ ကချင်လွတ်လပ်ရေးတပ်မတော် (KIO/ KIA)၊ ပလောင်အမျိုးသား လွတ်မြောက်ရေးတပ်မတော် (PSLF/TNLA)၊ မြန်မာအမျိုးသား ဒီမိုကရက်တစ်မဟာမိတ် တပ်မတော် (MNTJP/ MNDAA)နဲ့ လက်ရှိ တပ်မတော်နဲ့ တိုက်ပွဲဖြစ်ပွားနေတဲ့ ရက္ခိုင့်တပ်မတော် (ULA/AA) တို့ဖြစ်ကြပါတယ်။
ဒါ့အပြင် ရှမ်းပြည်တိုးတက်ရေးပါတီ၊ ရှမ်းပြည်တပ်မတော် မြောက်ပိုင်း (SSPP/SSA) “၀” ပြည်သွေးစည်းညီညွတ်ရေးပါတီ၊ တပ်မတော် (UWSP/UWSA)က ကိုယ်စားလှယ်တွေလည်း တက်ရောက်နေပါတယ်။
