ထိုင်းနိုင်ငံမှာ လွန်ခဲ့တဲ့ ၉ နှစ်က စက္ကူလေယာဉ်ပစ်အားကစားကျွမ်းကျင်လို့ ထိုင်းနိုင်ငံ ကိုယ်စားပြုအဖြစ် ဂျပန်နိုင်ငံမှာ သွားရောက်ယှဉ်ပြိုင်ပြီး ဆုရခဲ့တဲ့ မြန်မာရွှေ့ပြောင်းလုပ်သား ကလေး မောင်ထောင်းဒီဟာ ထိုင်းနိုင်ငံသားဖြစ်ခွင့်ရရှိသွားပြီး ဒီကနေ့ဘဲ မှတ်ပုံတင်ရုံးမှာ အိမ်ထောင်စုဇယားနဲ့ မှတ်ပုံတင်ကဒ်ပြားတွေ သွားရောက်လုပ်ဆောင်ခဲ့ပါတယ်။ မောင်ထောင်းဒီးနဲ့အတူ သူ့ဖခင်၊ သူတက်ခဲ့တဲ့ ဟွေ့ဆိုင်းကျောင်းက ဆရာဆရာ မတွေဟာ ဒီနေ့မနက် ၉ နာရီက ချင်းမိုင်မြို့ ဆုထိပ်ရပ်ကွက် မြူနီစီပယ်ရုံးကို သွားရောက်ပြီး  ထိုင်းမှတ်ပုံတင်ရိုက်ဖို့ ကိုယ်ပိုင်အမှတ်ပြောင်းလဲခြင်း၊ အိမ်ထောင်စုစာရင်းဝင်ခြင်းတွေ ပြုလုပ်ပြီး ချင်းမိုင်မြို့နယ်ထွေအုပ်ရုံးမှာ မှတ်ပုံတင်ကတ်ပြား ရိုက်ကူးခဲ့ပါတယ်။ မောင်ထောင်းဒီးအနေနဲ့ မြန်မာရွှေ့ပြောင်းအလုပ်သမားက မွေးဖွားလာသူဖြစ်ပေမယ့် သူနေခဲ့တဲ့ ဟွေ့ဆိုင်းအလယ်တန်းကျောင်းနဲ့တကွ၊ ခရိုင်အတွက်၊ နိုင်ငံအတွက် ဂုဏ်ယူ စရာဖြစ်အောင် ဆောင်ကြဉ်းပေးခဲ့သူမို့ သက်ဆိုင်ရာက ထိုင်းနိုင်ငံသားပြုခွင့် ပေးလိုက်တာဖြစ်ကြောင်း၊ ထိုင်းနိုင်ငံသားဖြစ်ပြီးသွားရင်လည်း နိုင်ငံသားကောင်းတဦးအဖြစ် နိုင်ငံ့ဂုဏ်ဆောင်နိုင်အောင် ဆက်လက်ကြိုးစားသွားဖို့ ဆုထိပ်မြူနီစပယ်ရုံး ညွှန်ကြားရေးမှူး နိုင်းထန်းဆဒ် ဆဲန်ဆီကျန်က ဂုဏ်ပြုပန်းစည်းပေးအပ်ပြီး  မှာကြားသွားပါတယ်။ မောင်ထောင်းဒီးရဲ့ ဖခင်ဖြစ်သူ ဦးစိုင်းညွန့်က သားဖြစ်သူ ထိုင်းနိုင်ငံသားကတ်ရ ရှိပြီဖြစ်တဲ့အတွက် ၀မ်းသာကြောင်း၊ ယခင်က ထိုင်းမှတ်ပုံတင်မရှိတဲ့အတွက် သွားရေးလာရေး အခက်အခဲရှိကြောင်း ဒီဗွီဘီကို ပြောပါတယ်။ “သားက ထိုင်းမှတ်ပုံတင်ရလို့ အရမ်းဝမ်းသာပါတယ်။ အရင်က ဆယ်နှစ်ခံကတ်ပဲရှိတော့ ခရီးသွားလက်မှတ် အမြဲတောင်းရတယ်၊ တခါရဖို့ ၃- ၄ ရက်စောင့်ရတယ်။ အခုက အဆင်ပြေ သွားပြီပေါ့၊ တခြားထိုင်းနိုင်ငံသား အခွင့်အရေးတွေလည်း ရမှာပေါ့။” မောင်ထောင်းဒီးဟာ လွန်ခဲ့တဲ့ ၉ နှစ်ကျော် ဂျပန်နိုင်ငံကနေ စက္ကူခေါက်ချန်ပီယံဆု ရလာကာစက ထိုင်းမှာ အထူးရေပန်းစားပြီး သူ့ကို ထိုင်းနိုင်ငံသားကတ်ပေးမယ့်အကြောင်း၊ နည်းပညာတက္ကသိုလ်မှ ပညာရေးဆုံးခန်းတိုင်သည်ထိ ပညာသင်စရိတ်ထောက်ပံ့ပေးမယ့် အကြောင်း တာဝန်ရှိသူတွေက ပြောဆိုခဲ့ပေမယ့် နောက်ပိုင်း ၀န်ထမ်းအပြောင်းအလဲတွေကြား ဘာမှအကောင်အထည်ဖော်တာမရှိဘဲ ငြိမ်သက်နေခဲ့ပါတယ်။ ပြီးခဲ့တဲ့ ဇူလိုင်လက မယ်ဆိုင်ဂူထဲပိတ်မိတဲ့ တောဝက်ဘောလုံးအသင်းက လူငယ်တချို့ ထိုင်းမှတ်ပုံတင်ရတာ သိရပြီးတဲ့နောက် မောင်ထောင်းဒီးလည်း နိုင်ငံသားကတ်ရရေး ပြန်လည်လျှောက်ထားခဲ့ရာမှာ ပြည်ထဲရေးနဲ့ အုပ်ချုပ်ရေးဌာနက ပြီးခဲ့တဲ့ သြဂုတ် ၂၃ ရက်ကမှ နိုင်ငံသားပြူခွင့်ပေးလိုက်တာပါ။ မောင်ထောင်းဒီးဟာ အခုဆိုရင် အသက် ၂၁ နှစ်ရှိပြီဖြစ်ပြီး ဟွေ့ဆိုင်းအလယ်တန်းကျောင်းမှာ ကလေးတွေရဲ့ အားကစားနည်းပြအဖြစ် လုပ်အားပေးနေပါတယ်။ တဘက်ကလည်း မိဘတွေကို ကူညီပြီး ပြင်ပကျောင်းကနေ အထက်တန်းပညာသင်ယူဆဲဖြစ်ပါတယ်။ မိဘဖြစ်သူမှာ မြန်မာနိုင်ငံ ရှမ်းပြည်နယ် နမ့်စန်မြို့နယ် အုမ်လွယ်ယွဲကျေးရွာက ပအိုဝ်း/ရှမ်း တိုင်းရင်းသား စိုင်းညွန့် နဲ့ နန်းမွန်းတို့ဖြစ်ကြပြီး လက်ရှိ ချင်းမိုင်မှာ ဆောက်လုပ်ရေး အလုပ်သမား လုပ်နေကြပါတယ်။ သူတို့ဟာ မောင်ထောင်းဒီးကို ချင်းမိုင်ခရိုင် ချိုင်းပကန်းမြို့နယ်မှာ မွေးဖွားခဲ့ပြီး မောင်ထောင်းဒီးကိုလည်း ရှမ်းပြည်က အဘိုးအဘွားကို ကန်တော့ဖို့  ၂ ခေါက် အလည်ခေါ်ပြန်ခဲ့တယ်လို့ စိုင်းညွန့်က ပြောသွားပါတယ်။ ကိုးကား - ခေါဝ်ဆွတ် သတင်း