စစ်တွေအကျဉ်းထောင်တွင် ဆူပူမှုဖြစ်ပွား၊ လုံခြုံရေးတင်းကျပ်
DVB
·
October 6, 2018
ရခိုင်ပြည်နယ် စစ်တွေအကျဉ်းထောင်မှာ ဒီကနေ့ မွန်းလွဲပိုင်းက အကျဉ်းသားတွေ ဆူပူမှု ဖြစ်ပွားပြီးနောက် ရဲတပ်ဖွဲ့က ထောင်အနီးတဝိုက်မှာ လုံခြုံရေးတင်းကျပ်ထားပါတယ်။
ထောင်ဝန်ထမ်းကို အကျဉ်းသားတွေကရိုက်လို့ တယောက်သေဆုံးတယ်လို့ သတင်းတွေ ထွက်နေပေမယ့် အကျဉ်းဦးစီးဌာနကို ဆက်သွယ်မေးမြန်းလို့ မရတာကြောင့် အတည်မပြု နိုင်သေးပါဘူး။
ဒါ့အပြင် ထောင်အနားမှာ သတင်းယူနေတဲ့ သတင်းထောက်တွေကိုလည်း အနောက်ဘက် ကိုက် ၂၀၀ အကွာကို ဆုတ်ခိုင်းထားပြီး ထောင်ရှေ့မှာ ရဲတပ်ဖွဲ့ဝင်တွေက လုံခြုံရေးယူထားပါတယ်။
ဆူပူမှုဖြစ်ပွားရတဲ့ အကြောင်းရင်းကို အသေအချာမသိရသေးပေမယ့် ထောင်ဝန်ထမ်း တဦးကို အကျဉ်းသားတွေက ဝိုင်းရိုက်ခဲ့လို့ ဒဏ်ရာ အပြင်းအထန်ရရှိခဲ့တယ်လို့လည်း သတင်းတွေ ထွက်ပေါ်နေပါတယ်။
