ရှစ်လေးလုံး နှစ် ၃၀ ပြည့်အခမ်းအနား နောက်ဆုံးနေ့ မစတင်ခင်မြင်ကွင်း (ဓာတ်ပုံ)
DVB
·
August 8, 2018
ရှစ်လေးလုံးလူထု အရေးတော်ပုံကြီး နှစ် ၃၀ ပြည့် အထိမ်းအမှတ် အခမ်းအနားကို ရန်ကုန်တက္ကသိုလ်၊ အပန်းဖြေရိပ်သာခန်းမမှာ သြဂုတ် ၈ ရက် ဒီကနေ့ တတိယမြောက်နေ့ အဖြစ် ကျင်းပနေပါတယ်။
အခမ်းအနားနောက်ဆုံးနေ့မှာ ပြီးခဲ့တဲ့ သြဂုတ် ၆ ရက်ကနေ ၈ ရက်ထိ ရန်ကုန်တက္ကသိုလ်မှာသုံးရက်ကြာကျင်းပခဲ့တဲ့ ရှစ်လေးလုံး နှစ် ၃၀ ကာလပြန်လည်သုံးသပ်ခြင်း ဆွေးနွေးပွဲကနေရရှိတဲ့ တိုင်းပြည်နဲ့ ပြည်သူလူထုသို့ အကြံပြုချက်တွေကို ထုတ်ပြန်ဖို့ ရှိနေပါတယ်။
ဒီနေ့အခမ်းအနားမှာ ခေတ်အဆက်ဆက် ဒီမိုကရေစီရေးတိုက်ပွဲအတွင်း ကျဆုံးခဲ့ကြတဲ့ ကျောင်းသားပြည်သူတွေကို ငြိမ်သက် ဦးညွှတ်ဂုဏ်ပြုဖို့ ရှိပါတယ်။
အခမ်းအနားဖြစ်မြောက်ရေး ကော်မတီကိုယ်စား ၈၈ မျိုးဆက်ကျောင်းသားခေါင်းဆောင် ဦးမင်းကိုနိုင်နဲ့ ဦးကိုကိုကြီးတို့ မိန့်ခွန်းပြောကြားဖို့ရှိသလို သဝဏ်လွှာတွေကိုလည်း ဖတ်ကြားဖို့ ရှိနေပါတယ်။
