မုတ်သုံလေ အားကောင်းနေ၊ ပြည်နယ်နှင့်တိုင်းအချို့တွင် မိုးကြီးမည်
DVB
·
July 22, 2018
ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှာ မုတ်သုံလေ အားကောင်းနေပြီး ပြည်နယ်နဲ့တိုင်းအချို့မှာ မိုးထစ်ချုန်းရွာကာ မိုးကြီးနိုင်တယ်လို့ မိုးဇလက ဒီနေ့မနက် ၇ က သတင်းထုတ်ပြန်ပါတယ်။
ဒီနေ့ညနေပိုင်းအထိ မန္တလေးနဲ့မကွေး တိုင်းဒေသကြီးတို့မှာ နေရာစိပ်စိပ်နဲ့ ကျန် တိုင်းဒေသကြီးနဲ့ ပြည်နယ်တို့မှာ နေရာအနှံ့အပြား မိုးထစ်ချုန်းရွာမယ်။ ရခိုင်၊ ကရင်နဲ့ မွန်ပြည်နယ်တို့မှာ ဒေသအလိုက်နဲ့ ပဲခူးတိုင်း၊ ရန်ကုန်နဲ့ ဧရာဝတီ တိုင်းဒေသကြီးတို့မှာ နေရာကွက်၍ မိုးကြီးနိုင်တယ်လို့ ဆိုပါတယ်။
မြန်မာ့ကမ်းရိုးတန်းတလျှောက်နဲ့ ကမ်းလွန်ပင်လယ်ပြင်တို့မှာ မိုးသက်လေပြင်းတွေ ကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါတယ်။ ရေပြင်/မြေပြင်လေဟာ ၁ နာရီကို ၃၅ မိုင်မှ မိုင် ၄၀ အထိ တိုက်ခတ်နိုင်ပြီး လှိုင်းအမြင့်မှာ ၈ ပေကနေ ၁၃ ပေလောက် ရှိနိုင်တယ်လို့ ခန့်မှန်းထားပါတယ်။
လာမယ့် ၂ ရက်မှာလည်း မုတ်သုံလေ အားကောင်းနေမှာဖြစ်ပြီး နေပြည်တော်၊ ရန်ကုန်နဲ့ မန္တလေးမြို့ အနီးတ၀ိုက်တွေမှာ ဒီနေ့ညနေအထိ မိုးထစ်ချုန်းရွာမယ်လို့ ဆိုပါတယ်။
