ဖားကန့်တွင် တောင်ကမ်းပါးယံမှ မြေပြိုကျမှုကြောင့် ၆ ဦး သေဆုံး၊ ၄ ဦးပျောက်ဆုံးနေ
DVB
·
June 23, 2018
ကချင်ပြည်နယ်၊ ဖားကန့်မြို့နယ်မှာ တောင်ကမ်းပါးယံမှ မြေပြိုကျမှုကြောင့် လူ ၆ ဦးသေဆုံး၊ ၆ ဦး ဒဏ်ရာရရှိခဲ့ပြီး ၄ ဦး ပျောက်ဆုံးနေတယ်လို့ ပြည်ထဲရေးက သတင်းထုတ်ပြန်ပါတယ်။
ဇွန် ၂၂ ရက်နေ့ မနက် ၈ နာရီခွဲလောက်က ဖားကန့်မြို့နယ်အတွင်း မိုးရွာသွန်းမှုကြောင့် မကာပင်ကျေးရွာအနီး အမြင့် ၅၀ ပေလောက်မှ တောင်ကမ်းပါးယံမှ မြေပြိုကျခဲ့မှုကြောင့် မိုးကာတဲအတွင်း နေထိုင်သူ သန်းလင်းထွန်း (၁၈) နှစ် အပါအ၀င် ၂ ဦး မြေစာပိမိ သေဆုံးခဲ့ပြီး စိုးစိုး ၂၁ နှစ်ကတော့ ကျောပြင် ပွန်းပဲ့ဒဏ်ရာ (မစိုးရိမ်ရ) ရရှိခဲ့ပြီး ဖားကန့်ပြည်သူ့ဆေးရုံကို ပို့ဆောင်ကုသထားတယ်လို့ ဆိုပါတယ်။
အလားတူ မော်ဝမ်းရပ်ကွက်နေ နေအိမ်တလုံးပေါ် တောင်ကမ်းပါးယံမှ မြေပြိုကျခဲ့တာကြောင့် ဦးမြင့်ကျော်အပါဝင် ၂ ဦး မြေပိသေဆုံးခဲ့ပါတယ်။
မရှီကထောင်ရပ်ကွက်က နေအိမ်တလုံးပေါ်ကိုလည်း မြေပြိုကျခဲ့ရာ အမျိုးသမီး ၂ ဦး မြေစာပိမိ ပျောက်ဆုံးသွားပါတယ်။ ညနေပိုင်းမှာတော့ ဒေါ်အေးဝင်းရဲ့ အလောင်းအား ရှာဖွေတွေ့ရှိခဲ့ပြီး ဒေါ်ခင်လေးကိုတော့ ဆက်လက်ရှာဖွေနေတယ်လို့ သိရပါတယ်။
အလားတူ ဖားပြင်ရပ်ကွက်က နေအိမ်တလုံးပေါ်ကိုလည်း တောင်ကမ်းပါးယံမှ မြေပြိုကျခဲ့တာကြောင့် ဦးစိန်ကျော် မြေစာပိမိသေဆုံးခဲ့ပါတယ်။
မော်ဝမ်းရပ်ကွက် မော်ဝမ်း-လုံးခင်းကားလမ်းဘေးနေ နေအိမ်တလုံးပေါ်ကိုလည်း မြေပြိုကျခဲ့တာကြောင့် ဝင်းဇော်ထွန်း (စိုးရိမ်ရ) ဒဏ်ရာရရှိခဲ့ပြီး မတင့်ပါ ၄ ဦး (မစိုးရိမ်ရ) ဒဏ်ရာတွေ ရရှိခဲ့လို့ ဖားကန့်ပြည်သူ့ဆေးရုံကို ပို့ဆောင်ကုသထားပြီး ဝင်းဇော်ထွန်းကိုတော့ ဖားကန့်ဆေးရုံမှတစ်ဆင့် မြစ်ကြီးနားပြည်သူ့ဆေးရုံကို ပို့ဆောင်ထားတယ်လို့ သိရပါတယ်။
မနက် ၁၁ နာရီခွဲအချိန်ကလည်း ဆွတ်အောင်ကျေးရွာအနီးရှိ မြန်မာသူရ ကျောက်မျက်ကုမ္ပဏီ (လက်ရှိလုပ်ငန်းရပ်နားထား) ရဲ့ မျောချောင်းမှာ ရေမဆေးကျောက်ရှာဖွေနေသူ အမျိုးသား ၃ ဦး ရေစီးကြောင်းနဲ့အတူ မျောပါကာ မြေစာတွေ ဖုံးအုပ် ပျောက်ဆုံးနေလို့ ကျေးရွာ အုပ်ချုပ်ရေးအဖွဲ့က ရှာဖွေနေပါတယ်။
မိုးသည်းထန်စွာ ရွာသွန်းမှုကြောင့် မှော်စီစာ-နမ္မဖြစ်ကျေးရွာသွားကားလမ်းမှာ ကွန်ကရစ်တံတား ၁ စင်း ကျိုးကျပျက်စီးခဲ့တယ်လို့ သိရပါတယ်။
