ဗိုလ်ချုပ်မှူးကြီးမင်းအောင်လှိုင် တရုတ်နိုင်ငံသို့ ခရီးထွက်
DVB
·
November 21, 2017
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ တရုတ်နိုင်ငံအစိုးရနဲ့ တရုတ်ပြည်သူ့လွတ်မြောက်ရေးတပ်မတော်က အကြီးအကဲတွေနဲ့ တွေ့ဆုံဆွေးနွေးဖို့ နိုဝင်ဘာ၂၁ ရက် ဒီမနက်မှာ တရုတ်နိုင်ငံကို ခရီးထွက်သွားပါတယ်။
တရုတ်ပြည်သူ့သမ္မတနိုင်ငံ၊ ဗဟိုစစ်ကော်မရှင်အဖွဲ့ဝင်နဲ့ ပူးတွဲစစ်ဦးစီးဌာနစစ်ဦးစီးချုပ် ဗိုလ်ချုပ်ကြီး Li Zuocheng ရဲ့ ဖိတ်ကြားချက်အရ ခရီးထွက်သွားတာလို့ တပ်မတော်ကာကွယ်ရေး ဦးစီးချုပ်ရုံးက သတင်းထုတ်ပြန်ပါတယ်။
သူ့ခရီးစဉ်အတွင်း တရုတ်နိုင်ငံရှိ စစ်ဘက်ဆိုင်ရာသင်တန်းကျောင်းတွေ၊ စက်ရုံတွေနဲ့ အထင်ကရနေရာတွေကို လှည့်လည်ကြည့်ရှုလေ့လာမှာဖြစ်တယ်လို့ သတင်းမှာ ဖော်ပြပါတယ်။
တရုတ်အစိုးရဟာ ရခိုင်အရေးမှာ မြန်မာဘက်က အပြည့်အ၀ထောက်ခံ ရပ်တည်ပေးထား သလို ငြိမ်းချမ်းရေးဖြစ်စဉ်မှာလဲ ထဲထဲဝင်ဝင် ကူညီပေးနေတာ ဖြစ်ပါတယ်။
