၁၀ နှစ်အရွယ် မိန်းကလေးအား ၂ ကြိမ် အဓမ္မပြုကျင့်ခဲ့သည့် ခဲအိုဖြစ်သူကို ဖမ်းဆီး
DVB
·
August 26, 2017
မွန်ပြည်နယ် ရေးမြို့နယ်မှာ ၁၀ နှစ်အရွယ် မိန်းကလေးငယ်အား အလိုမတူဘဲ အဓမ္မပြုကျင့်ခဲ့မှုနဲ့ ခဲအိုဖြစ်သူကို ရဲတပ်ဖွဲ့က သြဂုတ် ၂၅ ရက်နေ့မှာ ဖမ်းဆီးလိုက်ပါတယ်။
ရေးမြို့နယ် နှစ်ကရင်ကျေးရွာ ဘူတာပိုင်းရပ်ကွက်မှာ နေထိုင်တဲ့ ၁၀ နှစ်အရွယ် မိန်းကလေးငယ်အား ခဲအိုဖြစ်တဲ့ မင်းထွန်း (ခ) ငခွင်က သြဂုတ် ၂၀ ရက် မနက် ၅ နာရီနဲ့ ၂၁ ရက်နေ့ မနက် ၄ နာရီလောက်မှာ ခြင်ထောင်ထဲ အိပ်ပျော်နေစဉ် အလိုမတူဘဲ သားမယားပြုကျင့်ခဲ့တယ်လို ပြုကျင့်ခံရသူ မိန်းကလေးငယ်က မိခင်အား ပြန်ပြောကြားချက်အရ သိရကြောင်း ရဲမှတ်တမ်းမှာ ဖော်ပြထားပါတယ်။
မိခင်ဖြစ်သူ ဒေါ်အေးနွယ်ဟာ သြဂုတ် ၁၉ ရက်ကတည်းက ပေါင်မြို့နယ် ရင်းငြိမ်ရွာမှာ ရာဘာအစေးခြစ်ဖို့ သွားရောက်ခဲ့ပြီး နေအိမ်မှာ သမီးဖြစ်သူ မ---နဲ့ ခင်ပွန်း မင်းထွန်း၊ သားဖြစ်သူနဲ့ သမီးငယ်ဆုံး ပြုကျင့်ခံရသူတို့ရှိနေစဉ် အဓမ္မပြုကျင်မှုဖြစ်ပွားခဲ့တာလို့ ဆိုပါတယ်။
မင်းထွန်းက သားမယားပြုကျင့်နေတာကို သားဖြစ်သူက ၂ ကြိမ်လုံး တွေ့ရှိခဲ့ပေမယ့် မပြောရဲဘဲ မိခင်ပြန်လာမှ ပြောဆိုခဲ့တာလို့ ရဲမှတ်တမ်းက ဆိုပါတယ်။
ဖြစ်စဉ်နဲ့ပတ်သက်လို့ မိခင်ဖြစ်သူရဲ့ တိုင်ကြားချက်အရ မင်းထွန်းအား လမိုင်း နယ်မြေရဲစခန်းက ရာဇသတ်ကြီးပုဒ်မ ၃၇၆အရ အမှုဖွင့်အရေးယူထားရှိပြီး အသေးစိတ်စစ်ဆေးနေတယ်လို့ သိရပါတယ်။
နေမျိုးထွဋ် (ရေး)
