ကော့သောင်းတွင် မယားပါသမီးကို အဓမ္မပြုကျင့်ရန် ကြိုးစားသူကို ဖမ်းဆီး
DVB
·
July 27, 2017
ကော့သောင်းမြို့မှာ မယားပါသမီးကို အဓ္ဓမကျင့်ဖို့ ကြိုးစားသူကို ဖမ်းဆီးခဲ့တယ်လို့ ကော့သောင်းမြို့ မှုခင်းအကူတပ်ဖွဲ့က ပြောပါတယ်။
ကော့သောင်းမြို့ ရွှေပြည်စိုးကျေးရွာအုပ်စု ဇူလိုင် ၂၆ ရက် မနက်ပိုင်းက ချောင်းဝကျေးရွာနေ ဒေါ်တင်တင်ဝင်းက နေအိမ်က ပင်လယ်ပြင်ကို ခရုကောက်သွားချိန် နေအိမ်မှာ နောက်အိမ်ထောင်ဖြစ်တဲ့ စာလယ်ထူး ၃၉ နှစ် နဲ့ သမီးဖြစ်သူ မ-----တို့ ကျန်ခဲ့တယ်လို့ ဆိုပါတယ်။
စောလယ်ထူးက သမီးဖြစ်သူ မ------ ရဲ့ အိပ်ခန်းအတွင်းဝင်ရောက်ပြီး သားမယား အဖြစ်ပြုကျင့်ဖို့ ကြိုးစားခဲ့လို့ နေအိမ်အပြင်ဘက် ဘုန်းကြီးကျောင်းအနီးထွက်ပြေးပြီး ထိုင်နေစဉ် စောလယ်ထူးက နောက်ကလိုက်လာပြီး မ-------ကို လည်ပင်းညှစ်ပြီး လက်သီးနဲ့ ထပ်မံထိုးခဲ့တယ်လို့ သမီးဖြစ်သူက ပြောပြလို့ ဒေါ်တင်တင်ဝင်းက စောလယ်ထူး အားအရေးယူပေးဖို့ တိုက်တန်းခဲ့တာ ဖြစ်ပါတယ်။
ကော့သောင်းရဲစခန်းက စောလယ်ထူးကို ရာဇသတ်ကြီးပုဒ်မ-၃၇၆/ ၅၁၁ /၃၂၃ နဲ့ ဖမ်းဆီး စစ်ဆေးနေတယ်လို့ ရဲတပ်ဖွဲ့စခန်း တာဝန်ရှိသူတဦးက ပြောပါတယ်။
လတ်ကိုကိုဦး
