တိုင်းရင်းသားလူမျိုးများအရေးဆိုင်ရာကော်မတီ ဥက္ကဋ္ဌ ဦးထန်ခိုဟောက် ကွယ်လွန်
Aung Ko Latt
·
June 30, 2017
တမူးမဲဆန္ဒနယ်အမှတ် ၂ တိုင်းဒေသကြီး လွှတ်တော်ကိုယ်စားလှယ်၊ တိုင်းဒေသကြီး လွှတ်တော် တိုင်းရင်းသားလူမျိုးများအရေးဆိုင်ရာ ကော်မတီ ဥက္ကဋ္ဌ ဦးထန်ခိုဟောက် အသည်းရောဂါနဲ့ မန္တလေးမှာ ဆေးကုသမှုခံယူရင်း ဇွန်လ ၂၉ ရက်နေ့ နေ့လယ်ပိုင်းက ကွယ်လွန်သွားပါတယ်။
ဒီနေ့ကျင်းပတဲ့ တိုင်းဒေသကြီးလွှတ်တော် အဋ္ဌမပုံမှန်အစည်းအဝေး စတုတ္ထနေ့ လွှတ်တော်အစည်းအဝေးအပြီးမှာတော့ လွှတ်တော်ကိုယ်စားလှယ်အားလုံးက ဝမ်းနည်းတဲ့ အထိမ်းအမှတ်အဖြစ် ၁ မိနစ် မတ်တတ်ရပ်ရင်း ငြိမ်သက်ခဲ့ကြပါတယ်။
ဦးထန်ခိုဟောက် ကွယ်လွန်သွားတဲ့အတွက် လွှတ်တော်က ဝမ်းနည်းကြောင်း မှတ်တမ်းတင်ခဲ့ပြီး တက်ရောက်လာတဲ့ လွှတ်တော်ကိုယ်စားလှယ်အချို့ကလည်း ဖဲကြိုးနက်တွေ တပ်ဆင်ခဲ့ကြပါတယ်။
ဒီနေ့ ကျင်းပတဲ့ လွှတ်တော်အစည်းအဝေးကို တက်ရောက်ခွင့်ရှိသူ ၁၀၀ ဦးရှိတဲ့အထဲက ၉၃ ဦး တက်ရောက်ခဲ့ပြီး လွှတ်တော်ကိုယ်စားလှယ် ၈ ဦးက မေးခွန်း ၁၁ ခု မေးမြန်းခဲ့ပါတယ်။
