ပြည်ထောင်စုသဘောတူညီချက် အစိတ်အပိုင်းလက်မှတ်ထိုး (သတင်းဓာတ်ပုံ)
DVB
·
May 29, 2017
၂၁ရာစုပင်လုံ ဒုတိယ အကြိမ်အစည်းအဝေးမှာ ဆွေးနွေးညှိနှိုင်းနိုင်ခဲ့တဲ့ ပြည်ထောင်စုသဘောတူညီချက် အစိတ်အပိုင်းကို ဒီကနေ့ သက်ဆိုင်ရာ အစုအဖွဲ့ ကိုယ်စားလှယ်တွေက ဒီကနေ့ နေပြည်တော်မှာ သဘောတူလက်မှတ်ရေးထိုးလိုက်ပါတယ်။
ညီလာခံမှာ နိုင်ငံရေး ကဏ္ဍ၊ စီးပွားရေးကဏ္ဍ၊ လူမှုရေးကဏ္ဍ၊ မြေယာနှင့် သဘာဝပတ်ဝန်း ကျင်ကဏ္ဍ၊ လုံခြုံရေးကဏ္ဍ ၅ ခုအနေနဲ့ မူဝါဒအချက် ၄၁ ချက်ကို အစိုးရ၊ လွှတ်တော်၊ တပ်မတော်နဲ့ တိုင်းရင်းသားလက်နက်ကိုင်အစုအဖွဲ့တွေက တင်ပြဆွေးနွေးခဲ့ရာမှာ မူဝါဒ ၃၇ ချက် သဘောတူညီနိုင်ခဲ့ပါတယ်။
ဒီသဘောတူညီချက်တွေမှာ နိုင်ငံရေးကဏ္ဍ မူဝါဒ ၁၂ ချက်၊ စီးပွားရေးကဏ္ဍမူဝါဒ ၁၁ချက်၊ လူမှုရေးကဏ္ဍ ၄ ချက်နဲ့ မြေယာနဲ့ သဘာဝပတ်ဝန်းကျင်ကဏ္ဍ မူဝါဒ ၁၀ ချက်ပါဝင်တာဖြစ်ပါတယ်။
ဒီသဘောတူညီချက်တွေကို အစိုးရအစုအဖွဲ့ကိုယ်စားလှယ် ဒေါက်တာတင်မျိုးဝင်း၊ လွှတ်တော်အစုအဖွဲ့ကိုယ်စားလှယ် ဦးထွန်းထွန်းဟိန်၊ တပ်မတော်အစုအဖွဲ့ကိုယ်စားလှယ် ဒုဗိုလ်ချုပ်ကြီး တင်မောင်ဝင်း၊ တိုင်းရင်းသားလက်နက်ကိုင် ကိုယ်စားလှယ် ပဒိုစောကွယ်ထူးဝင်းနဲ့၊ နိုင်ငံရေးပါတီအစုအဖွဲ့က ကိုယ်စားလှယ် ဦးသုဝေတို့ အပြင် အသိသက်သေ ၆ ဦးတို့က လက်မှတ်ရေးထိုးခဲ့ကြပါတယ်။
