တနင်္သာရီတိုင်းဒေသကြီး တနင်္သာရီမြို့နယ်၊ ကျွဲထိန်ကုန်းကျေးရွာမှာ ဆေးခြောက်ပင်နဲ့ ဘိန်းစာပင်တွေကို မီးရှို့ဖျက်ဆီးခဲ့တယ်လို့ သိရပါတယ်။ ဧပြီ ၂၆ ရက် မနက်ပိုင်းက ခရိုင်ရဲမှူးဦးတင်ထွန်း ဦးစီးတဲ့အဖွဲ့ဟာ တနင်္သာရီမြို့နယ်၊ သကျက်ကျေးရွာအုပ်စု၊ ကျွဲထိန်ကျေးရွာရဲ့ အရှေ့မြောက်ဘက် ၁ မိုင်ကျော်ခန့်အကွာမှာရှိတဲ့ (ဒေသအခေါ်) ငပြေမအင်းအနီး မြေကွက်လပ်မှာ အလေ့ကျ ပေါက်တဲ့ ဆေးခြောက်ပင် ၈၀ ပင်နဲ့ ဘိန်းစာပင် ၁၀၀ ပင်တို့ကို မီးရှို့ ဖျက်ဆီးခဲ့တာပါ။ မူးယစ်ဆေးရွက်တွေကို ခြွေချချိန်တွယ်ရာမှာ  ဆေးခြောက်ပင် ၈၀ မှ အရွက်စို ၃၅ ဒသမ ၂၇ ကီလိုဂရမ် ဒေသပေါက်ဈေး ၁ ကီလိုဂရမ် ၂ သိန်းကျပ်နှုန်းနဲ့ တန်ဖိုး ၇,၀၅၄,၀၀၀ ၊ ဘိန်းစာပင် ၁၀၀ မှ အရွက်စို ၅၈ ဒသမ ၇၈၈ ကီလိုဂရမ် ဒေသပေါက်ဈေး ၁ ကီလိုဂရမ် ၂၅,၀၀၀ ကျပ်နှုန်းဖြင့် တန်ဖိုး ၁,၄၆၉,၇၀၀ တို့ကို မီးရှို့ဖျက်ဆီးခဲ့တယ်လို့ ရဲမှတ်တမ်းအရ သိရပါတယ်။ သတင်း - မြတ်ထွဋ်(မြိတ်)