တောင်ငူခရိုင် အုတ်တွင်းမြို့နယ် ဗောဓိကုန်း အမြန်လမ်းရဲစခန်းအပိုင် မိုင်တိုင်အမှတ် ၁၄၄ မိုင်၂ ဖာလုံနဲ့ ၃ ဖာလုံကြားမှာ ခရီးသည်တင်ကားတစီးနဲ့ တိုက်မိလို့ သံဃာတော်တပါး ပျံလွန်တော်မူသွားပါတယ်။ ရန်ကုန်ကနေ နေပြည်တော်ဘက် ယာဉ်မောင်း ဦးဝင်းဇော် မောင်းနှင်လာတဲ့ အောင်ရတနာခရီးသည်တင်ယာဉ်ဟာ လမ်းဖြတ်ကူးလာတဲ့ ရွှေလောင်းကျေးရွာနေ ဦးဇဝန သက်တော် (၃၀) နှစ်ကို တိုက်မိလို့ အခင်းဖြစ်နေရာမှာ ပျံလွန်တော်မူသွားတာပါ။ “အဲဒီဦးဇင်းက ခဏနေ ထွက်လိုက်၊ တော်ကြာပြန်ဝတ်လိုက်နဲ့ နေတာကတော့ ကိုရင်ဘဝထဲက နေတာပဲ။ သူက တရားပေါက်နေသလိုဖြစ်နေတာ၊ ဓာတ်ကျရာလျှောက်သွားနေတာ၊ ဒီနားဆိုလည်း ထိုင်ချင်ထိုင်လိုက်တာပဲ။ တစ်ပါးတည်းနေတာ၊ သင်္ဂြိုင်းကုန်းထဲလည်း တစ်ပါးတည်းနေတာပဲ၊ တရားလိုက်ထိုင်နေတာ။ ဦးဇင်းနဲ့က သီတင်းသုံးဖော်တွေပါ၊ အခုလောလောဆယ်တော့ ရွှေလောင်းကျောင်းမှာနေတယ်။ ရွာအပြင်ကွင်းထဲမှာ တဲလေးဆောက်ပြီး တရားသွားကျင့်နေတာလို့ ရွှေလောင်းကျောင်းမှ ဦးဇင်း ဦးပညာဝံသက မိန့်ကြားပါတယ်။ ဖြစ်စဉ်နဲ့ပတ်သက်ပြီး ဗောဓိကုန်းအမြန်းလမ်းရဲစခန်းက  ရာဇသတ်ကြီး ပုဒ်မ ၃၀၄ ကနဲ့ အမှုဖွင့်ဆောင်ရွက်နေတယ်လို့ သိရပါတယ်။ သားကြီး(တောင်ငူ)