တနင်္သာရီတိုင်းဒေသကြီး ကော့သောင်းမြို့ရှိ တောရဘုန်းကြီးကျောင်းက ကိုရင်ကြီးတပါးဆီကနေ ဖေဖော်ဝါရီ ၂၂ ရက် ညပိုင်းက wy စိတ်ကြွဆေးပြား ကျပ်သိန်း ၃၀ ကျော်ဖိုးလောက် ဖမ်းဆီးရမိတယ်လို့ မြို့မရဲစခန်းက ပြောပါတယ်။ ဖေဖော်ဝါရီ ၂၂ ရက် ည ၁၁ နာရီလောက်က နယ်ထိမ်းခေါင်းဆောင် ဒုရဲအုပ်သက်ပိုင်ဦးနဲ့အဖွဲ့ လှည့်ကင်းဆောင်ရွက်နေချိန် အေးမြကန်သာရပ်ကွက်၊ ရှင်ဖြူရှင် တောင်ပတ်လမ်း ၅ ခန်းတွဲတန်းလျားမှာ မူးယစ်ဆေးဝါး ရောင်းချသုံးစွဲနေကြောင်း သတင်းအရ ဝင်ရောက်ရှာဖွေရာ အခန်းအမှတ် ၅ မှာနေထိုင်တဲ့ ဇော်မင်းထိုက်(ခ)မင်းထိုက်ရဲ့ အိပ်ရာဘေးမှာ wy စာတမ်းပါ ပန်းရောင်စိတ်ကြွဆေးပြား ၁၆ ပြား၊ ဆေးရှူကရိယာနဲ့ မြန်မာကျပ်ငွေ ၂၃၀၀၀ကျပ်ကို တွေ့ရှိသိမ်းဆည်းရမိခဲ့ပါတယ်။ ရဲက ဆက်လက်မေးမြန်းရာ ကော့သောင်းမြို့ ၅ သုံးလုံးတောင်ပေါ်ရှိ တောရကျောင်းနေ ကိုရင်ကြီးဝဏ္ဏသီရိဆီက ဝယ်ယူခဲ့ပြီး ရောင်းချသုံးစွဲရာမှာ ကျန်တဲ့ ဆေးပြားတွေဖြစ်တယ်လို့ ထွက်ဆိုချက်အရ ၅သုံးလုံးတောင် တောရကျောင်းမှာ နေထိုင်တဲ့ ကိုရင်ကြီးကို သွားရောက်ဖမ်းဆီးစဉ် ပန်းရောင်အိတ်တလုံး လွှင့်ပစ်လိုက်တာကို သက်သေတွေက တွေ့ရှိရှာဖွေရာ အိတ်အတွင်းမှာ wy စာတမ်းပါ စိတ်ကြွဆေးပြား ၆၄၇ ပြား (ကာလတန်ဖိုး ကျပ် ၃၂၃၅၀၀၀) ကိုတွေ့ရှိသိမ်းဆည်း နိုင်ခဲ့ပါတယ်။ အဆိုပါမူးယစ်ဆေးတွေကို  လွန်ခဲ့တဲ့ ၄ ရက်လောက်က ဇော်ခက်ဆီက ဝယ်ယူခဲ့ကြောင်း သိရပြီး မူးယစ်ဆေးလက်ဝယ်တွေ့ရှိသူ ဇော်မင်းထိုက်(ခ)မင်းထိုက်၊ ဆေးပြားများရောင်းချပေးခဲ့သူ ကိုရင်ကြီးဝဏ္ဏသီရိ(ခ) အောင်အောင်နဲ့ ဇော်ခက်တို့ကို ကော့သောင်းမြို့မရဲစခန်းက  အမှုဖွင့် အရေးယူဆောင်ရွက်နေတယ်လုိ့ သိရပါတယ်။ သတင်း - လတ်ကိုဦး