လမိုင်းမြို့တွင် မီးကြွင်းမီးကျန်မှတဆင့် နေအိမ် ၂ လုံး မီးလောင်ကျွမ်း
DVB
·
January 29, 2017
မွန်ပြည်နယ် ရေးမြို့နယ် လမိုင်းမြို့မှာ မီးကြွင်းမီးကျန်ကတဆင့် မီးလောင်ကျွမ်းမှုဖြစ်ပွားခဲ့လို့ နေအိမ် နှစ်လုံး ပျက်စီးဆုံးရှုံးခဲ့ပါတယ်။
မွန်ပြည်နယ် ရေးမြို့နယ် လမိုင်းမြို့ မြို့မ ၂ ရပ်ကွက် ကဝိန်လမ်းနေ ဦးချစ်ကို ခ ဦးချက်ကြီး ပျဉ်ခင်းပျဉ်ကာ သွပ်မိုး ၁ ထပ်နေအိမ်မှာ ဇန်နဝါရီ ၂၈ ရက်နေ့ ညနေ ၄ နာရီကျော်က မီးဖိုချောင်မီးကြွင်းမီးကျန်က တဆင့် မီးစတင်လောင်ကျွမ်းမှုဖြစ်ပွားခဲ့တယ်လို့ မြို့နယ်မီးသတ်ဦးစီးဌာနက ပြောပါတယ်။
ဦးချစ်ကို နေအိမ် မီးစတင်လောင်ကျွမ်းပြီးနောက် ယာဘက်ဘေး ၁ ထပ်နေအိမ်ကိုပါ မီးကူးစက်လောင်ကျွမ်းခဲ့တာဖြစ်ပြီး သက်ဆိုင်ရာတာဝန်ရှိသူတွေ၊ အရန်မီးသတ်တပ်ဖွဲ့ဝင်တွေနဲ့ ဒေသခံပြည်သူတွေက မီးသတ်ယာဉ်၊ ရေသယ်ယာဉ် ၃ စီးနဲ့ ဝိုင်းဝန်းငြှိမ်းသတ်ခဲ့ကြတယ်လို့
မီးသတ်ဦးစီးမှူး ဦးသန်းထိုက်က ပြောပါတယ်။
နေအိမ် ၂ လုံး မီးလောင်ကျွမ်းမှုကြောင့် ကျပ် ၅၆၂၅၀၀ ဆုံးရှုံးခဲ့ပြီး မီးပေါ့ဆမှုနဲ့ ဦးချစ်ကို ကို လမိုင်းနယ်မြေရဲစခန်းက အမှုဖွင့်အရေးယူထားပါတယ်လို့ ဆိုပါတယ်။
သတင်းနှင့်ဓာတ်ပုံ - နေမျိုးထွဋ်
