ဒီကေဘီအေ ခွဲထွက်အဖွဲ့ဝင် ၇ ဦး လက်နက်ချ
DVB
·
January 2, 2017
ဒီကေဘီအေ ခွဲထွက်အဖွဲ့ဖြစ်တဲ့ စောဆန်းအောင်အဖွဲ့မှ ဗိုလ်ကြီးအဆင့်ရှိ ဝင်းဇော် ခေါင်းဆောင်တဲ့ အဖွဲ့ဝင် ၇ ဦး လက်နက်ချခဲ့တယ်လို့ အစိုးရက သတင်းထုတ်ပြန်ပါတယ်။
ဇန်နဝါရီ ၁ ရက်နေ့က ကရင်ပြည်နယ် မြဝတီမြို့မှာ လက်နက်ချခဲ့တာဖြစ်ပြီး သူတို့နဲ့အတူ အမ် ၁၆ တလက်၊ အိပ်ခ်ျကေ ၃၂ လက်၊ အမ် ၇၉ လောင်ချာ ၁ လက်၊ ကာဘိုင် ၂ လက်နဲ့အတူ မိုင်း ၅ လုံး ပါလာပြီး တာဝန်ရှိသူတွေထံ အပ်နှံခဲ့တယ်လို့ ဆိုပါတယ်။
ဒီကေဘီအေ ခွဲထွက်အဖွဲ့ဝင် ၇ ဦးကို မြဝတီမြို့နယ်ရှိ ဌာနဆိုင်ရာ တာဝန်ရှိသူတွေနဲ့ စစ်ဘက်ဆိုင်ရာ တာဝန်ရှိသူတွေက အခမ်းအနားနဲ့ ကြိုဆိုခဲ့တယ်လို့ သိရပါတယ်။
ဒါဟာ အန်အယ်လ်ဒီအစိုးရသစ်လက်ထက်မှာ တိုင်းရင်းသား လက်နက်ကိုင်အဖွဲ့ငယ်တခုထဲက အဖွဲ့ဝင်တချို့ ပထမဆုံး လက်နက်ချလာတာလည်း ဖြစ်ပါတယ်။
