ကေအိုင်အေတပ်ဖွဲ့ဟာ နယ်စပ်ဝင်ထွက်သွားလာခွင့် ကတ်တွေကိုကိုင်ဆောင်ပြီး နယ်စပ်ဖြတ်ကျော် သွားလာ တိုက်ပွဲဝင်ခဲ့တယ်လို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပါတယ်။ ရှမ်းပြည်နယ်အရှေ့မြောက်ဒေသ၊ မူဆယ်ခရိုင်၊ မုံးကိုးမြို့၊ နမ့်ကွတ်ကျေးရွာအနီး နယ်မြေ လုံခြုံရေး ဆောင်ရွက်နေတဲ့ တပ်မတော်စစ်ကြောင်းကို ကေအိုင်အေ၊ တီအန်အယ်လ်အေ အဖွဲ့တို့က ဒီဇင်ဘာ ၅ ရက်ညပိုင်းမှာ လာတိုက်ခိုက်ပြီးနောက် ဆုတ်ခွာထွက်ပြေးသွားတယ်လို့ ဆိုပါတယ်။ ဒီဇင်ဘာ ၇ ရက် မနက်ပိုင်းမှာ အဲ့ဒီဒေသတ၀ိုက် စစ်တပ်က နယ်မြေရှင်းလင်းစဉ် ကေအိုင်အေ၊ တီအန်အယ်လ်အေအဖွဲ့ နေထိုင်ခဲ့တဲ့ သစ်ရွက်တဲ ၇ လုံး၊ ဆက်သွယ်ရေးမြောင်းတွေ အနီးမှာ မှတ်ပုံတင် ၂ ခုနဲ့ နယ်စပ်ဝင်ထွက်သွားလာခွင့် လက်မှတ် ၂ ခုတို့ကို သိမ်းဆည်းရမိခဲ့ တယ်လို့ သိရပါတယ်။ သူတို့တတွေဟာ ကာမိုင်းနဲ့ တနိုင်းဘက်က ကေအိုင်အေတပ်ဖွဲ့ဝင်တွေဖြစ်ပြီး နယ်စပ်ဝင်ထွက် သွားလာခွင့်ကတ်တွေကို ကိုင်ဆောင်ကာ နယ်စပ်ဖြတ်ကျော်သွားလာ တိုက်ပွဲဝင်ခဲ့တယ်လို့ ကာကွယ်ရေးဦးစီချုပ်ရုံး သတင်းထုတ်ပြန်ချက်မှာ ဖော်ပြထားပါတယ်။