စစ်ဘေးရှောင်ပြည်သူတွေအတွက် ရန်ပုံငွေ တေးဂီတဖျော်ဖြေပွဲကို ရန်ကုန်မြို့မှာ ရှိတဲ့ ပြည်သူ့ရင်ပြင်မှာ ဖေဖော်ဝါရီ ၁ ရက်နေ့ ညနေ ၆ နာရီမှာ ကျင်းပပြုလုပ်ခဲ့ပါတယ်။ ဒီဖျော်ဖြေပွဲကို နာမည်ကြီး အဆိုတော်တွေဖြစ်ကြတဲ့ L လွန်းဝါ၊ ဆုပန်ထွာ၊ ချစ်စနိုးဦး၊ ဗီဗာဟိန်းအပါအဝင်အဆိုတော် ၅၀ ကျော် ဖျော်ဖြေခဲ့ကြပါတယ်။ ဒီပွဲဟာ အခမဲ့ ဖျော်ဖြေပွဲ ဖြစ်ပြီး ပွဲကို လာရောက် ကြည့်ရှုတဲ့သူ တွေကို အလှူငွေ ကောက်ခံခဲ့တာဖြစ်ပြီး ရလာတဲ့ အလှူငွေတွေကို ဝေဠုကျော်ဖောင်ဒေးရှင်းကနေတဆင့် စစ်ဘေးသင့်ပြည်သူတွေကို လှူဒါန်းသွားမှာဖြစ်ပါတယ်။ ဒီပွဲကို knights music band က ကြီးမှူးကျင်းပတာဖြစ်ပြီး ထာဝရမောင်နှမအဖွဲ့က ဝိုင်းဝန်း ကူညီပံ့ပိုးပေးခဲ့တာ ဖြစ်ပါတယ်။